Боли кога те маваат и шутираат, но модриците ќе поминат, ама повеќе ме боли што живееме мизерно со години а заслужуваме многу повеќе!
Објавено во: Мои пари 08 Мај, 2015
Томе Станковски e еден од демонстрантите кои беа приведени во вторникот од страна на полициските сили во Скопје, по ескалирањето на протестот пред Влада.
Тој на Фејсбук напиша еден интересен статус кој одлучивме да ви го пренесеме:
„Ме прашуваат: Томе те боли ли? Добар ли си?Да, секако дека боли телото кога ти го маваат и шутираат четири полицајци од ЕБР на кои се „спротивставив“ со кренати раце и отворени дланки.
Но, модриците ќе поминат. Повеќе ме боли што живееме мизерно со години, а заслужуваме многу повеќе. Ме болат многу работи, и не можев повеќе дома да седам.
Некои ми рекоа: Не требаше да одиш на протест. Видиш, го изеде.
Напротив, горд сум што бев на протест. Јас знам дека џандар не удрив, ниту направив некоја штета. Бев гласен. И треба сите да бидеме. За подобар живот. Нашите предци се бореле за нас. Сега на нас е времето, за нашите деца и внуци.
Верувам дека ќе дојде еден ден каде Слободата и Љубовта ќе ја славиме сите.
Цивили и полицајци, попови и оџи, Македонци и Албанци, сиромашни и богати, ќе чекориме гордо, спремни за живеење заедно во Слобода и Љубов.“