Бојко Борисов му честиташе на Заев - Заедно ќе работиме за подобри односи
Објавено во: Македонија 01 Јуни, 2017
Бугарскиот премиер во телефонски разговор му ја честитал на Зоран Заев новата функција како претседател на Владата на Република Македонија.
„Личните средби со Вас господине Заев ми даваат основа да верувам дека заедно можеме да работиме за подобрување на доброседските односи меѓу нашите две држави и да ја доближиме Република Македонија до преговорите за присоединување со Европската Унија, порачал Борисов во разговорот со новиот македонски премиер.
Борисов исто така потенцирал дека изборот на новото македонско раководство е долгоочекуван чекор во ставањето крај на политичката криза во Македонија.