Бочварски: Покрај архитект и градоначалник, ќе бидам и добар министер за транспорт и врски

Добивај вести на Viber

Благој Бочварски, за кого вчера СДСМ обзнани дека ќе биде министер за транспорт и врски на местото на Горан Сугарески во новата Влада, на денешната прес-конференција рече дека ќе биде успешен и на таа позиција, затоа што како што вели тој, се покажал и како добар архитект  и градоначалник на општина Штип.

- Тоа е успех на нашиот град. Во новата Влада три министри се од оваа изборна единица од источниот регион. Тоа покажува дека нашата партија има разновидна и сестрана понуда, која не е оптоварена со централизирано уредување. Мандатот што ќе ми биде доделен е награда за градежната офанзива што ја спроведов во Штип.  Дадов голема жртва за да го трасирам патот за вистински развој на Штип и ова беше препознаено од претседателот на СДСМ.  Јас сум единствениот градоначакник ова гломазно министерство до сега. Истовремено сум архитект и градоначалник и ќе работам макотрпно за што е можно повеќе проекти, рече Бочварски.

Пред новинарите порача дека особено ќе се посвети на патната инфраструктура, односно на изградбата на автопатишта, експресни и локални патишта, а рече и дека ќе им помага на општините да добијат што е можне повеќе проекти

Бочварски додаде дека в.д.градоначалник треба да се избере од Советот на општината, но и дека постои можност да се организираат локални избори.

- Станува збор за специфична постапка која не е прв пат да се случува, а за да се разреши ситуацијата ќе помогнат Министерството за локална самоуправа и Владата. Постои реална можност да има предвремени локални избори, но за тоа треба да толкуваат правниците, истакна Бочварски.