Без струја утре ќе бидат повеќе улици во Скопје

Добивај вести на Viber

По известувањето добиено од ЕВН Македонија АД, Регионалниот центар за управување со кризи на Град Скопје, ги известува граѓаните дека во вторник, без снабдување со електрична енергија ќе останат неколку улици во главниот град. Па така, од 8 до 10 часот, ќе нема струја за корисниците од улицата 14-Декември, во скопска Кисела Вода, од 8.30 до 15.30 часот за корисниците од  улиците со брoj 51 и 52 во населбата Стопански Двор во општина Ѓорче Петров, а од 9 до 11часот, за корисниците од улиците со брoj 24 и број 100 во населбата Волково. Од 9 до 15.30 часот ќе нема струја за корисниците на  дел од улицата Франце Прешерн, поточно објектите околу куќниот бр.93. во населбата Влае, од 9.30 до 15.30 часот за корисниците од дел од селото Копаница, поточно околу амбулантата и џамијата во селото, а од 10 до 13 часот без струја ќе бидат  дел од корисниците од село Горно Оризари. Од 11 до 15 часот ќе нема струја за корисниците од  улиците со бр.4,бр.10 и бр,46 во населбата Кисела Јабука, а од 12 до 14 часот за корисниците од дел од улицата Римска во општина Карпош.

Прекините се заради реализација на инвестиционите зафати за подобрување на квалитетот во снабдувањето со електрична енергија на корисниците во наведените реони.