БЕНЗИНЦИ И ДИЗЕЛАШИ ЌЕ СТАНАТ ИСТОРИЈА: Што ќе се вози во оваа држава?
Објавено во: Свет 23 Август, 2016
Владата во Холандија разгледува воведување на иновативен еколошки закон, а властите покренале дебата за забрана на продажба на нови автомобили на дизел и бензин од 2025 година.
„Потребно е да ја исклучиме емисијата на јаглед-диоксид и да го промениме образецот на користење на фосилни горива доколку сакаме да ја сочуваме планетата“, изјавил член на Лабуристичката партија Јан Вос, кој се наоѓа зад оваа иницијатива, пишува британски Индепендент.
Нацрт законот, кој веќе го усвои долниот дом на холандскиот парламент, би им дозволил на старите дизелаши и бензинци да останат на холандските патишта.
„Таквата забрана нема да биде доволна за целосна елиминација на дизелашите и бензинците“, изјавил Вос, додавајќи дека е неопходен пад на цените на електирчни автомобили, како и владата да ги зголеми станиците за нивно напојување.
Меѓу сите членки на Европската унија, Холандија ја има една од најниските емисии на CO2 емитирани до новите автомобили.
Со разгледувањето на оваа забрана, Холандија и се придружи на низата земји кои разгледуваат сличен потег, како што е Норвешка која пред два месеци расправаше за забрана на продажба на бензинец и Данска.