Бебе од осум месеци е најмладата жртва во земјотресот во Италија
Објавено во: Свет 25 Август, 2016
Бебе од осум месеци е најмладата жртва во земјотресот која ја погоди Италија.
Повеќе од 247 луѓе загинаа во силниот земјотрес што вчера ја погоди централна Италија, според последните податоци од италијанската цивилна заштита над 350 луѓе се повредени.
Европско-медитеранскиот сеизмолошки центар (ЕМСЦ) објави дека уште еден земјотрес, од 4,6 степени, го погодил централниот дел на Италија, околу 66 километри североисточно од градот Терни, со население од над 220.000 жители. Тоа е дваесет и втор земјотрес во регионот во рок од 24 часа.
Италијанскиот премиер, Матео Ренци ги повика своите сограѓани да се обединат соочени со трагедијата, а тој ги посети најтешко погодените области.
„Ние Италијанците сме многу добри во расправии и полемики, но сега ајде да застанеме солидарни и горди заедно со оние што ги спасуваат другите“ - вели Ренци.
Италијанците раскажуваат дека се уништетни едни од најубавите градови во земјата.
Претседателот на САД, Барак Обама изрази сочувство на италијанскиот народ по потресот, пренесува ТАСС, повикувајќи се на прес-службата на Белата куќа.
И германската канцеларка, Ангела Меркел најави помош за Италија.