Балкански барометар 2018: Оптимизомот расте и кај јавноста и кај стопанството

Добивај вести на Viber

Задоволството на луѓето и стопанствениците во регионот на Балканот иако е под просекот, постојано се зголемува. Ова е главниот заклучок од годишното истражување Балкански барометар (ББ) 2018 година, што редовно го подготвува Регионалниот совет за соработка (РСС).

Балканскиот барометар е најголемо годишно истражување во регионот и опфаќа преку 6000 илјади луѓе и околу 1200 стопанственици. Станува збор за четврто по ред годишно истражување.

Генерално, поздаволни и пооптимисти се стопанствениците, кои сегашната состојба и предвидувањата за иднината ги оценија со индекс 62 на скала од 1 до 100, додека индексот на мислењето на јавноста пораснал за 7 отсто и од 35 отсто позитивни во 2015 година, сега позитивно мислење за сегашноста и очекувања од иднината, изразиле 43 отсто испитаници.

Што се однесува до резултатите за Македонија, околу 35 отсто од граѓаните изразиле неутралност на прашањето како сте задоволни од тоа како се одвиваат работите во вашето општество. Притоа, 21 отсто изјавиле дека се претежно задоволни, а околу 2 отсто дека се целосно задоволни. Делумно незадоволство изразиле околу 26 отсто од испитаниците а целосно незадоволство околу 17 отсто.

Од услугите што ги нуди централната власт, целосно задоволство изразиле 9 отсто од испитаниците во Македонија. Генерално задоволство 43 отсто, 31 отсто не се ниту задволни ниту незадоволни, 11 отсто се генерално незадоволни, а 4 отсто се целосно незадоволни, додека 2 отсто одбиле да одговорат.

„Иако невработеноста и натаму е најважен проблем со кој се соочува регионот, интересно е дека граѓаните се повеќе како главен предизвик ја гледаат емиграцијата, т.е. одливот на мозоци, со оглед на фактот што тоа го потврдиле 12 отсто од испитаниците, што е за 5 отсто повеќе од 2015 година – изјави Горан Свилановиќ, генерален скеретар на РСС, претставувајќи го Барометарот 2018 година.

Директорката за Западен Балкан при Генералната дирекција на Европската комисија за соседство и проширување Џеновева Руиз Калавера изрази задоволство што може да каже дека регионот полека ја здобива довербата во процесот на интеграција во ЕУ.

„Нема пократок пат во подготовките за влегување во ЕУ, а Унијата е тука да даде подршка и да им помогне на нашите партнери од Западен Балкан, изјазви Рузи Калавера.

Регионалниoт совет за соработка е оперативно меѓувладино тело на земјите членки на Процесот за соработка во ЈиЕ, чиј основач и полноправен член е и Република Македонија.