АРТ СТУДИЈА: Бизнис кој „цвета“ на Запад, но дали би можел да заживее и кај нас?
Објавено во: Економија 27 Јули, 2018
Цените се различни, а местата или се во метрополите, или се оддалечени од урбаните средини и се наоѓаат во живописни предели. Во Америка има студија каде месечно се плаќа по 1000 долари, во Франција има места каде за истото се бараат 1000 евра, а во Италија има и варијанти каде за првата недела се плаќаат по 450 евра, а секоја следна недела од престојот е поевтина. Дека ова може и на Балканот да функционира и да носи заработка, покажува и пример со арт студио во Нови Сад, Србија каде сите термини до крајот на оваа 2018 година се пополнети, со исклучок на две седмици во октомври, а за месец дена наплатуваат 400 евра. Овие арт студија можат да бидат добар бизнис и да носат профит.
Нашите уметници велат дека Македонија има локации каде би можеле да се изградат вакви објекти, но треба да се инвестира.
„Тоа може да биде многу корисно, и кај нас има многу убавини, но има една клучна работа, треба да се инвестира. Арт студио од таков карактер колку јас што знам нема, и ако некој странски уметник сака да дојде, да престојува, работи, за сите информации се обраќа до општината во градот. Арт студио е добра идеја, но како тие да дојдат, да престојуваат, да творат, да платат и да им остане желбата да дојдат и наредната година? Тоа е широка тема“ – вели Блаже Донев, уметник.
Писателката Ивана Поповска смета дека во земјава ни треба осмислен концепт за вакви проекти и престои.
„Во нашата држава сè уште не е точно прецизирано и решено прашањето околу културните вредности и организациски делувања. Сè уште ни недостигаат примери и насоки како да се издејствува и да се овозможи сето тоа. За да се реализира, треба да се обезбедат услови“- рече Поповска.
Сања Радуловиќ, поетеса од Добој, БиХ вели дека и кај нив се реткост ваквите арт студија, и додава дека уметниците од надвор можат да си дозволат да платат за престој, а Балканците тешко.
„Веројатно тоа би можело да се реализира, но тоа е сериозен проект и е наменет за оние кои имаат пари. По мое мислење уметноста треба државата да ја поддржи, но тоа е тешко. Обично нашите уметници бараат резиденции онаму каде сè е платено“- вели Радуловиќ.
Но, за овие резиденции и покрај тоа што се плаќа за престојот во странство, се вреднува и биографијата на уметникот кој ќе биде селектиран, и она што тој планира да го работи. Престоите обично траат од две седмици до три или шест месеци.
Сања Атанасовскафото Transartists
Можеби ќе ве интересира
ПАК НА ПРОТЕСТИ: Вработените во Фондот за здравство бараат повисоки плати
МФ: Комисијата за осигурување од автомобилска одговорност бара да се стават во мирување одлуките на друштвата за осигурување
Чилеанците не можат да издржат, го намалија бројот на работни часови
АЛКАЛОИД СО НОВ УСПЕХ: продажбата за првите три месеци се зголемила за 13 проценти, инвестиции од 4,8 милиони евра
За да увезуваме возила сме платиле многу поголем данок
КОИ ДРЖАВНИ СЛУЖБЕНИЦИ МОЖАТ ДА СЕ ПОФАЛАТ СО ДЕБЕЛИ ПЛАТИ – се жалат дека им фалат колеги, многумина би сакале да се на нивно место
ПРОДАВАЧКА ДОБИЛА ОТКАЗ ПОСЛЕ 68 ГОДИНИ РАБОТА - поради работата не одела ни на меден месец, граѓаните во солзи
ЕУ ВОВЕДУВА НОВИ ПРАВИЛА: Голем дел од амбалажата што сега ја знаеме, до 2023 година веќе нема да изгледа исто
НЕ Е МАРАТОНЕЦ, НО ТРЧА СО БРЗИНА ОД 6 КИЛОМЕТРИ НА ЧАС - Тиангонг е хуманоиден робот кој се движи како ниеден досега
