АПЛИЦИРАЈТЕ: Германија бара 30.000 занаетчии
Објавено во: Економија 27 Декември, 2019
30.000 мајстори и занаетчии бара Германија.
Првиот човек на германското здружение на занаетчии, Ханс Питер Волсејфер, вели дека има огромна потреба од занаетчии и мајстори во сите делови на земјата.
Потребни се мајстори во градежништво, санитарни инсталации и монтери, телекомуникациски техничари, месари и експерти во прехранбениот сектор.
Закон за вработување на професионални работници од земји надвор од Европската Унија, ќе важи од март 2020 година. За луѓето од Западен Балкан ќе се проверува знаење на германски јазик, а ќе има и возрасна граница.Невработеноста во Германија се спушти на најниско ниво од обединувањето на поранешните земји од Источна и Западна Германија во 1990 година, објави германската Федерална агенција за вработување (БА).
Бројот на невработени во ноември годинава бил 2,18 милиони луѓе или стапката на невработеност изнесувала 4,8 проценти.
Но, не е само Германија, и други земји бараат работници кои би ги задоволиле потребите на пазарот на труд.Партијата на канцеларката Ангела Меркел во предизборието ветуваше дека ќе работи за целосно искоренување на невработеноста.