28 Март, 2024
0.0254

НОВИ ПРАВИЛА ОД 1 МАРТ: За Македонците ќе биде полесно или потешко да се замине во Германија?

Објавено во: Економија 18 Декември, 2019

Добивај вести на Viber

Проверка на знаењето од германски јазик и старосна граница се воведува од 1 март за жителите од Западен Балкан кои сакаат да заминат во Германија. 

Старосна граница ќе има, иако засега не е прецизирано до која возраст луѓето ќе можат да заминуваат во Германија. 

Германија со новиот закон на почетокот на следната година треба да го олесни увозот на квалификувани работници надвор од Европската унија, објави канцеларката Ангела Меркел.

Но, во Македонија мислењата се поделени. Некои сметаат дека идната година за Македонците ќе биде полесно да заминат на работа во Германија, а  други дека ќе биде потешко.

„Луѓето учат германски јазик, и медицински персонал, и занаетчии. Од она што го слушам од учениците и занаетчиите се барани, и добро платени. Медицинскиот персонал учи германски јазик, на многу повисоко ниво, затоа што е потребно, додека за занаетчиите се бара само основна комуникација. Јас мислам дека од 1 март нема да биде потешко, исто ќе биде затоа што тој што сака да замине ќе си го најде патот. Луѓето многу посветено го учат јазикот, и јас навистина сум изненадена“, вели сопственичка на училиште за странски јазици во Велес.

Од друго училиште за странски јазици во Скопје објаснуваат дека сепак за многу Македонци посебно во поодминати години, заминувањето во Германија ќе остане само сон.

„Имам многу ученици кои се над 50 години и учат германски јазик со цел да се вработат во Германија. Претспоставувам дека штом ќе има старосна граница, за нив ќе биде потешко, иако дел од нив поседуваат бугарски пасоши. Да бидеме реални, учениците учат јазик за оценка, додека постарите учат за да го знаат јазикот и да го применуваат“, додаваат од ова училиште.

Борче Стојанов, посредник за работа во Германија вели дека за Македонците нема да биде потешко, затоа што како што вели и досега важеле истите услови. Додава дека отсега ќе биде ставен акцентот на стручноста на кадрите, и Германците ќе ги вработуваат најдобрите.

„Но, сепак за одредени професии, каде се бара стручност, не може да биде стручен човек кој има 20 или 25 години, значи многу ќе зависи од струката, од позицијата, а за некои позиции, за подобра работа, потребно е да се има Б2 ниво за познавање на јазикот“, вели тој.

Но, Стојанов смета дека можно е новите критериуми кои ќе ги воведе Германија да доведат до намалување на платите.

На Германците ќе им требаат 100.000 луѓе за работа во железници, а дел од нив ќе бидат вработени месецов.

Сања Атанасовска

фото Спутник

Можеби ќе ве интересира

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат