Ангелов: Во сeло Мачево се упатени три хеликоптери
Објавено во: Македонија 06 Август, 2021
Ситуацијата во сeлото Мачево ескалира, три хеликоптери се упатени таму, соопшти директорот на Центарот за управување со кризи Стојанче Ангелов, на својот Фејсбук профил.
„Три хеликоптери (еден наш и два српски) се упатени кон беровското с. Мачево каде ситуацијата ескалира и се појавува опасност за неколку куќи. Хеликоптерите ќе продолжат да дејствуваат во овој реон (пехчевско / делчевско / беровско) се додека има доволно дневна светлина“, напиша Ангелов.
Мештаните ги прават последните напори за спас на селото, и со трактори се трудат да формираат обрач. Сепак, според видеа од социјалните мрежи, огнот е на 50 метри од куќите.