Добивај вести на Viber
Жителите на Аљаска годинава ќе добијат чек на 900 долари како сопствен дел од нафтеното богатство на оваа американска држава. Сепак рецесијата влијаеше и на овој износ. Граѓаните на Аљаска секоја година добиваат “бесплатни пари“ на основа на петгодишниот промет со нафта во државата на светскиот пазар, но, овогодишниот чек не е ни блиску до рекордниот од 2008 година, кога секој жител добил по 2.069 долари.
Годишната уплата од Постојаниот фонд за дивиденда, со нетрпение се очекува меѓу населението, а оваа година чековите ќе бидат испратени на 640.000 адреси на 3 октомври, со што подеднакво ќе биде распоредена сумата од 576 милиони долари. За следната година се очекува износот да биде поголем.
Најниската вредност што досега е исплатена е во 1984 година по 331 долар, а исплатата се врши почнувајќи од 1982 година. За оваа година се пријавиле 670.000 луѓе, но 30 илјади не ги исполнувале условите.