Ако успее унгарскиот референдум, ќе предизвика цунами од референдуми во Европа …
Објавено во: Свет 19 Август, 2016
Во Унгарија во октомври ќе има референдум во врска со квотите за прием на мигранти во ЕУ.
Премиерот Виктор Орбан очекува дека уште најмалку три земји - Чешка, Полска и Словенија, ќе го следат примерот на неговата земја.
„Ако унгарскиот референдум во октомври биде успешен, тоа може да доведе до појава на цунами од референдуми во Европа и уште повеќе ќе се тресе ЕУ“, рече Орбан.
Владејачката партија Фидес е на мислење дека овој референдум „е прашање на живот и смрт“, кога се однесува до иднината на Унгарија.
Целта на референдумот е да биде прикажано дека мнозинството од Унгарците се против бриселската бирократија, рече Орбан.
За да се оствари неговата цел и референдумот да успее треба да гласаат најмалку 4 милиони Унгарци.
Прашањето на кое на 2 октомври одговор треба да дадат Унгарците, е: „Сакате ЕУ да има право да испраќа странски државјани во Унгарија без дозвола на парламентот?“.
Орбан е уверен дека евентуалниот успех на референдумот ќе предизвика во Европа домино ефект, пишува британскиот весник. „Експрес“.
„Очекуваме многу други европски земји, а особено оние од Вишеградската четворка, да тргнат по стапките на Унгарија“, рече во оваа врска Орбан.