215 лица се спасени од урнатините по земјотресот во Италија
Објавено во: Свет 25 Август, 2016
Италијанските спасувачи извадиле 215 лица живи од под урнатините кои ги предизвика силниот земјотрес, изјави шефот на националната противпожарна служба Бруно Фратази.
Во спасувачките операции се вклучени илјадници полицајци, 1060 пожарникари, 400 воени лица, а исто над 3.000 доброволци од областите во централна Италија, настрадани од земјотресот.
Бројот на загинатите од земјотресот во средата среде ноќ достигна 247 лица.
Земјотресот беше со интензитет од 6,2 степени по Рихтер и на длабочина од 4 км. Катастрофата удри во провинцијата Риети на 100 километри североисточно од престолнината Рим. Во меѓувреме утрово нови два потреси од 4,0 и 4,2 степени по Рихтер го погодија централниот дел на земјата, но последиците од нив сеуште не се познати.