Добивај вести на Viber
Шеснаесет ракометари од Ракометниот клуб Голден Арт КЛ7 се позитивни на коронавирусот. Од клубот соопштија дека по натпреварот од второто коло на македонската суперлига во ракомет, кој се одигра во Радовиш против истоимениот тим, кај дел играчите се појавиле симптоми карактеристични за вирусот Ковид19.
По извршените тестови било потврдено дека има 16 Ковид позитивни играчи.
„Според прописите за третман на лица кои се Ковид-19 позитивни и лицата кои имале контакт со нив, комплетниот играчки кадар ќе биде ставен во изолација во следните 15 денови. Би сакале да потсетиме дека пред стартот на подготовките на тимот пред оваа натпреварувачка сезона, нашиот клуб беше еден од ретките клубови кои направи комплетно теститрање на играчкиот погон во првиот тим и младинските категории, како и на комплетниот стручен штаб и клубската логистика, при што навремено беа откриени два случаи позитивни на Ковид19 висрусот и истите беа изолирани и излечени, стои во соопштението.
Апелираат сите клубови и целокупната јавност да ги почитува мерките за заштита од корона вирусот.