137 000 емигранти го преминале Медитеранот во 2015 година
Објавено во: Свет 01 Јули, 2015
Рекорден број од 137 000 емигранти преминале опасен пат низ Средоземното Море, за да стигнат до Европа, само во првата половина на 2015 година.
Ова стои во извештајот на агенцијата за бегалци на ОН, според која бројот на дојдените во Европа на тој начин се зголеми за 83% во споредба со истиот период за лани.
„Европа доживува морска бегалска криза од историски размери“, се вели уште во текстот на ОН.
Според податоците се очекува ситуацијата во наредните месеци да се влоши поради летото и убавото време кое ќе го зголеми бројот на дојдовни емигранти.
Според комесарот за бегалци Антонио Гутиерес поголем дел од доаѓањето на континентот не се економски емигранти.
„Повеќето луѓе кои пристигнуваат по море во Европа, се бегалци и бараат заштита од војни и прогони“, изјавил тој.
Речиси една третина од пристигнатите емигранти во Италија и Грција - најпогодените од бегалскиот бран земји, пристигнуваат од Сирија, додека од Авганистан и Еритреја се 12%. Меѓу другите земји од каде доаѓаат многу емигранти, се Сомалија, Нигерија, Ирак и Судан, се вели во извештајот.
Оваа година се забележува и сериозно зголемување на смртните случаи при обиди за преминување на Средоземното Море. До сега загинатите се вкупно 1867 лица, и тоа само за април оваа бројка е 1308 лица.
Со доаѓањето на толку многу емигранти стана сериозен проблем за ЕУ, како што и земјите членки продолжуваат да размислуваат за опции за справување со кризата. Зголемениот број на луѓе кои пристигнуваат во Грција и Италија пред да продолжат кон другите европски држави, предизвика голем број на спорови и антиемигрантски реторики во многу европски земји.