10,9 милиони лица достигнал бројот на имигрантите во Германија
Објавено во: Свет 03 Август, 2015
Бројот на имигранти кои живеат во Германија, минатата година достигнал 10,9 милиони лица.
Тоа е еден милион повеќе отколку пред три години, соопштила националната статистичка служба.
Ова е највисоко ниво на имиграција од 2005 година, кога германските власти започнаа да ги собираат и анализираат овие податоци.
Според статистичката служба вкупниот број лица со имигрантско потекло во Германија во 2014 година достигна 16,4 милиони лица или околу 3% повеќе во споредба со претходната година. Тоа изнесува малку над една петтина од 82-милионското германско население. Повеќе од половина од нив се со германски пасош.
Податоците покажуваат дека од 2011 година во Германија пристигнале 620 000 имигранти од ЕУ - главно Полјаци, Романци, Италијанци, Бугари и Унгарци, а доста е зголемен и бројот на Кинезите, Сиријците и Индијанците.