Зошто валутите и депозитите во државните резерви се на најниско ниво од март 2014 година?

Добивај вести на Viber

Износот на валути и депозити од државните девизни резерви е на најниско ниво од март 2014 година. Ова го покажуваат најновите официјални податоци на централната банка во кои е видливо дека на крајот на јануари 2017 година нивото на валути и депозити во девизните резерви на нашата држава изнесува 143,4 милиони евра. Пониско нивото на девизи и депозити на нашата централна банка не било од март 2014 година кога тие изнесувале 121,5 милиони евра! На крајот на јануари 2017 година нивото на валути и депозити во државните девизни резерви е на најниско ниво во период од 34 месеци (две години и 10 месеци) Во споредба со март 2016 година нивното ниво е преполовено!!!

Само за еден месец државните резерви во валутите и депозитите се стопиле за 120 милиони евра !!!

Тоа е пад од 46 отсто за период од само 31 ден. Односно на крајот на демември лани нивното ниво изнесува 264,1 милиони евра, а само еден месец подоцна изнесува 143,4 милиони евра што е за 120 милиони евра помалку од крајот на 2016 година. Во исто време другите ставки односно монетарното злато пораснало за 6,2 милиони евра до 249,4 милиони евра што најверојатно е раст на берзанската вредност на тој имот. Најголемата ставка во нашите девизни резервни т.е. странските државни хартии од вредност во кои ги чуваме државни девизи пораснале за 58 милиони евра во износ од 2,159 милијарди евра.  Дури и да претпоставиме дека дел од валутите и депозитите се пренасочени во монетарно злато и во странски државни хартии од вредност на тогаш пак постои кусок од 55,5 милиони евра. Можеби ефективата е намалена заради исплата на некои државни обврски или пак за потребите на девизниот курс? За да добие одговор на оваа новонастаната „Фактор.мк“ достави прашање до централната банка и по добивањето ќе ги објави во целост.

Нивото на државните девизни резерви на крајот на јанури годинава вреди 2,557 милијарди евра и е за 57 милиони евра помалку од нивото на крајот на 2016 година. Највисока вредност од 2003 година до сега нашите девизни резерви забележале во октомври во 2016 година и тоа во износ од 2,729 милијарди евра што во голема мерка е резултат на ново задолжување во странство.