Зошто се исклучени патните премини на пругата меѓу Ѓорче Петров и Јегуновце?
Објавено во: Македонија 13 Април, 2017
Јавното претпријатие „Македонски железници – Инфраструктура“ од вчера ги исклучило од редовна работа патните премини на пругата Ѓорче Петров – Кичево, помеѓу станиците Ѓорче Петров и Јeгуновце.
Вакви мерки се преземени поради зачестени кражби на делови од системот за обезбедување на премините.
Од „МЖ – Инфраструктура“ велат дека зачестените кражби на витални делови од системот за осигурување на патните премини ја нарушуваат безбедноста на железничкиот сообраќај.
Од редовна работа ќе бидат исклучени сите пратни премини што гравитираат во делот на пругата Ѓорче Петров – Јегуновце.
Поради ова, ЈП „Македонски железници – Инфраструктура“ апелира до граѓаните кои со нивните возила ги поминуваат овие патни премини да бидат внимателни.