ЗАРАБОТЕНИ МИЛИОНИ: Како фудбалот на Хрватската економија и донесе раст
Објавено во: Економија 21 Јули, 2018
Хрватската стопанска комора соопшти дека големите спортски натпревари, особено европското и светското фудбалско првенство, доведоа до раст од 10 отсто во економијата на земјата.
„На денот на пречекот на фудбалерите, во третиот понеделник на јули, рестораните и кафулињата во Загреб заработиле 54,5 милиони куни (еден милион евра), што е за 2% повеќе од третиот понеделник во јули минатата година“, пренесуваат хрватските медиуми врз основа на информации од фискалниот систем.
Од друга страна, голем број на луѓе од Загреб и нивните гости три дена биле со часови по улиците на Загреб, а не во кафулиња и ресторани. Поради овој факт, голем број продавници работеле со скратено работно време или дури и не работеле. Затоа, прометот во трговијата на мало изнесува скоро 300 милиони куни (5,7 милиони евра) 4% помалку отколку во претходната година. Претходно, хрватската стопанска комора објави дека од сите натпревари рекордот на потрошувачка го донесе полуфиналниот натпревар против Англија на 11-ти јули. На овој ден 312,5 милиони куни (5,9 милиони евра) биле потрошени во продавниците, што е за 3,12% повеќе од истиот ден минатата година. Кафулињата и рестораните на овој ден пријавија промет од 28,7 милиони куни (540.000 евра), што е за 17 отсто повеќе од минатата година. На денот на финалето, прометот се зголемил за 13%.
На 15 јули, кога финалето беше одиграно и на 16 јули, на денот на пречек на играчите, бројот на туристите е зголемен за 27 отсто, а бројот на ноќевањата е за 25 отсто во споредба со истиот ден минатата година, објави туристичката индустрија во Загреб . Во главниот град присуствуваа не само туристи, туку и медиумите од 20 земји, не само од Европа. "Значи можеме да кажеме дека целиот свет беше во Загреб и Загреб беше насекаде во светот", вели Мартина Биненфелд, директор на туристичката заедница во Загреб.foto: Vijesti.me