ЗАПРЕНА ПРОДАЖБА: Падот на рубљата удри и по авто-компаниите

Добивај вести на Viber

Најновиот пад на вредноста на рубљата бил толку штетен по профитот на странските произведувачи на автомобили, што некои од нив привремено ја запреле продажбата во Русија.

„Џенерал Моторс“ (GM), кој во Русија има и свои производствени погони, во половината на декември одлучи провремено да престане да прима уплати на купувачи, како би го намалил ризикот на бизнис и загуби.

Во таа компанија велат дека возилата со марка „Шевролет, Опел и Кадилак“ кои се претходно платени, ќе бидат испорачани по договорената цена. „GM“ уште не знае кога ќе продолжат со продажбата во Русија.

Во исто време, „Ауди“ исто така ја запре продажбата на автомобили, додека производството во локалната фабрика во градот Калуга ќе биде прекинато во период од 22 декември до 12 јануари, но поради новогодишните и божиќните празници.

Портпаролот на „Ауди“ во Русија изјавил дека продажбата ќе биде продолжена кога ќе се формира новиот ценовник.

Од друга страна, автомобилите на „Фолксваген“ и понатаму можат да се купуваат, но германскиот произведувач соопштил дека е „многу загрижен поради моменталната состојба на рускиот пазар“.

„Јагуар Ленд Ровер“ кој е во сопственост на индиската компанија „Тата Моторс“, ќе ја запре продажбата во Русија од денеска, „поради моменталната економска состојба“ во таа земја.

Тојота засега не планира да прекине со продажбата, но е принудена да ја корегира цената како би се прилагодила на актуелните услови на работа, соопштуваат од таа компанија.

Рубљата од јуни 2014 девалвираше повеќе од 40 одсто, што влијаело на соработката со странски авто-компании. Се проценува дека БМВ само во послениот квартал од година ќе забелеќи загуби помеѓу 100 и 150 милиони евра, ако падот на руската валута достигне 50%.