Започна Самитот Македонија2025 – Настан што го дефинира технолошко-деловниот импулс на македонското стопанство
Објавено во: Мои пари 20 Октомври, 2016
Со свечени обраќања на Вера Ставроф, Мајк Зафировски и Живко Мукаетов, во улога на членови на одборот на директори, денес беше отворен петтиот по ред Самит во организација на Македонија2025. Тие го истакнаа огромното задоволство на организаторот во однос на континуитетот на настанот, квалитетот на говорници како и импресиите на учесниците. Овие два дена Скопје ќе биде регионален центар каде учесниците ќе ги слушнат најновите светски трендови во бизнисот, инвестициите, финансиите, лидерството, иновации и технологија.
Повеќе од 250 гости ќе проследат дискусии за економскиот напредок на Македонија според мерниот индекс составен од Македонија2025 во соработка со МекКинзи. Делегатите ќе проследат дебатни сесии за одржливоста на енергенсите и можноста да се користат обновливи извори на енергија според примерот на нордиските земји кои планираат 100% да се снабдуваат со одржлива енергија. Ќе се зборува и за циркуларната економија, темин кој означува револуција во индустриската економија преку намалување на отпадот и избегнување на загадувањето.
Експерт од Европска Унија ќе зборува за трансформирање на градовите во паметни градови според примерот на неколку европски центри. Свои излагања ќе имаат повеќе од 40 говорници, а за прв пат во регионот ќе биде претставена програмата на Европската вселенска агенција и можноста приватниот сектор да се вклучи во нивните истражувања. Ќе бидат презентирани најновите светски технолошки достигнувања како емоционално инженерство, теле-здравје и развој на интелигентна комуникација помеѓу машини.
Македонија2025 е организација која овозможува пренос на знаење од успешната дијаспора кон македонските иновативни компании. Работата на организацијата ќе биде споредена со најуспешниот светски пример на организирана дијаспора, преку лидерскиот говор на Гиди Марк, Извршен Директор на Birthright од Израел. Тој ќе зборува за тоа како големата и разновидна дијаспора на Евреи ширум светот придонесува оваа земја да биде светски водач во иновации и развој на производи.
Македонија има голем капацитет во својата дијаспора кој не е искористен. Преку ваков тип на настани, организаторот се обидува да ги охрабри успешните македонци од светот да остварат различни видови соработка со родната земја.
Можеби ќе ве интересира
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
Дали ја знаете играта Царица? Можеби ја знаете ама во вашиот град има друго име
Подобрени резултати во првиот квартал поттикнати од извозот и ефектот од вреднување на залихите во услови на зголемени меѓународни цени на горивата
Државната изборна комисија го заокружи едукативниот караван „ТИ СИ НА РЕД“ во битолскиот и тетовскиот регион
СУПЕР МИЛИОНЕР ЏЕКПОТ НА ВИДЕОЛОТАРИЈА КАСИНОС АВСТРИЈА Е ВО ЗОНА НА ПАЃАЊЕ
Посета во Бимилк: 200 деца од градинката „Пролет“ го научија патот на млекото
