Законски ќе се ограничуваат цените во приватните болници за пациентите кои се лекуваат од Ковид-19
Објавено во: Македонија 12 Април, 2021
Министерот за здравство Венко Филипче денеска соопшти дека на утринскиот состанок на Кризниот штаб бил прифатен прелогот да се направи измена на Законот здравствена заштита со која на приватните болници ќе се ограничи висината на финансиските средства за време на кризата, а тоа ќе се однесува само на лекување на ковид пациенти.
Како што изјави Филипче, главниот координативен кризен штаб утре до Владата ќе поднесе измени на Законот за здравствена заштита.
- Се донесе одлука да се направи измена во Законот за здравствена заштита со кој на приватниите болници ќе се направи ограничување висината на наплата на финански средства за времетраење на кризата, поточно за лекување на коронавирус. Го слушнавме апелот на граѓаните, и веќе утре на Владата ќе го поднесеме предлог законот за здравствена заштита, изјави Филипче.