Захариева: Бугарија со признавањето на македонската држава, го признава и македонскиот јазик

Добивај вести на Viber

Вицепремиерката и министерка за надворешни работи на Република Бугарија, Екатерина Захариева во интервју за бугарската национална телевизија БТВ околку признавањето на македонскиот јазик, рече дека не гледа никаков спор, туку потенцираше дека Бугарија со признавањето на македонската држава, го признава и македонскиот јазик согласно Уставот на Република Македонија.

За Захариева посетата на македонската делегација е историска и преставува добронамерен и пријателски почеток за заедничка европска иднина на двете држави. Таа напомена дека Бугарија е секогаш тука да и помогне на Македонија кога и да биде побарана помош и постојано ќе ја поддржува кон патот за европските интеграции.

Захариева вели дека во никој случај не е негативно тоа што Македонија сака да ги поправи затегнатите односи со соседите. 

Таа прашува до каде доведе 26 години изолација на Македонија. 

„Пораката на двата премиери беше многу јасна. Бугарија ќе помага кога ќе биде побарано. За јазикот не гледам каков проблем има тука? Ние сме ја признале македонската држава и нејзиниот Устав“ - вели Захариева. 

Таа додава дека никој не ја одрекува историјата на Македонија, ниту на Бугарија. 

Tаа посетата ја оцени дека била на високо ниво со присуство на повеќе министри.