21 Јануари, 2020
0.0258

Заев од Лондон: Со НАТО се исполнува нашиот сон, се надеваме дека и ЕУ набрзо ќе ја исправи грешката

Објавено во: Македонија 03 Декември, 2019

„Задоволни сме што ќе станеме 30 членка на НАТО. За регионот, за Западен Балкан, но и за нашата држава, многу ќе значи поголемата безбедност и сигурност што ја носи Алијансата, но и очекуваме да се зголемат странските директни инвестиции. Балканот беше полн со конфликти и етнички војни, но тоа ќе стане минато. Ние после приемот на Црна Гора сме следна земја членка“. Ова меѓу другото, го порача премиерот Зоран Заев од Лондон, на панелот „Разговори – Одбрана и превенција за новата ера“, во рамките на конференцијата „НАТО се ангажира: Иновирање на Алијансата“. 

Заев заедно со владина делегација е во Лондот, каде НАТО Алијансата на Самиотот ја прославува 70-годишнината од своето постоење.

Нашите жители, граѓаните на Република Северна Македонија многу веруваат во НАТО, ние заради таа цел го променивме дури и нашето уставно име, кое сега е Република Северна Македонија. Веќе немаме отворени билатерални прашања со соседите, рече премиерот.

„Влезот во НАТО ќе биде исполнување на нашиот сон. Тоа беше нашата стратешка цел, нашите млади граѓани да не бидат повеќе дел од конфликти и војни, туку да живеат во мир, да го делат мирот со светот. 

Целта е и што повеќе да се обезбеди владеење на правото, демократијата и слободата. 

На прашањето како земјава ќе гарантира дека ќе ги исполни бараните стандарди од НАТО, а тоа е два отсто да се одвојува од БДП за одбрана до 2024 година, премиерот рече дека во последниве години земјава двојно ги зголеми трошоците за одбрана, па од 0,8 отсто, тој процент сега е 1,4 отсто од БДП. „Мислам дека и порано од предвидениот рок ќе ја достигнеме целта од 2 проценти“, рече премиерот. 

Прашан што мисли за одбивањето на Франција да се одобри датум за почеток на преговори со Европската унија, и дали тоа беше „удар по заби“, премиерот нагласи дека тоа беше нефер постапка кон нас. 

„Имавме позитивна препорака и потврда дека земјава 100 отсто ги има исполнето реформите. Ги решивме и отворените прашања со Бугарија и со Грција, заради што го сменивме и нашето уставно име. Но Франција смета дека на Европа и треба повеќе време за да се реформира. Сите други држави беа согласни дека ги исполнивме реформите. Тоа за нас беше вознемирувачки, и ние бевме разочарани. Но, ние ќе продолжиме со реформите и веруваме дека таа грешка на Европската унија, набрзо ќе биде надмината“, нагласи премиерот Зоран Заев.  


Можеби ќе ве интересира

Владата со помош за Атиџе и осумчленото семејство што учествуваше во филмот

Владата со помош за Атиџе и осумчленото семејство што учествуваше во филмот

ФОКУС НА ДЕНОТ: Хумани граѓани ќе помогнат на Јованови, договор за Законот за ЈО уште нема

ФОКУС НА ДЕНОТ: Хумани граѓани ќе помогнат на Јованови, договор за Законот за ЈО уште нема

СЕ ГУШИМЕ: Пет градови со eкстремно загаден воздух

СЕ ГУШИМЕ: Пет градови со eкстремно загаден воздух

ЗАВРШИ СРЕДБАТА МАРИЧИЌ - МУЦУНСКИ: Постои камен на сопнување за Законот за ЈО

ЗАВРШИ СРЕДБАТА МАРИЧИЌ - МУЦУНСКИ: Постои камен на сопнување за Законот за ЈО

Украдени скоро 27 тони јаболка од магацин во Ресен

Украдени скоро 27 тони јаболка од магацин во Ресен

Исчезна 28 годишна девојка од Босилово

Исчезна 28 годишна девојка од Босилово

Поранешен кандидат на СДСМ за градоначалник поставен за привремен директор на „Дрисла“

Поранешен кандидат на СДСМ за градоначалник поставен за привремен директор на „Дрисла“

ДИК повторно се прогласи за ненадлежна, овој пат на барање на Чулев

ДИК повторно се прогласи за ненадлежна, овој пат на барање на Чулев

Што има ВМРО-ДПМНЕ во „ракавот“ за Рекет, а јавноста не го знае

Што има ВМРО-ДПМНЕ во „ракавот“ за Рекет, а јавноста не го знае