Добивај вести на Viber
Обидите да се блокира работата на Собранието, во услови на светска пандемија од КОВИД-19, не е политика. Тоа е опасно, срамно и неодговорно однесување, вели премиерот Зоран Заев.
Во статус на фејсбук го обвини Христијан Мицкоски дека со тоа ќе предизвикаат штета на државата.
„Се обидуваат да блокираат носење на закони среде пандемија со коронавирусот, меѓу кои и оние за ваучерите од 6.000 денари, за помош на пензионерите, самохраните родители, слободните уметници и филмски работници, како и мерките за помош на лозарите. Апелирам да се повлече ова бесмислено ставање сопки и кочење на работата на Парламентот и да се прифати можноста, како и насекаде во светот, за онлајн работа на далечина, вели Заев.
Побара од пратениците на ВМРО-ДПМНЕ да се преиспитаат.
Ние сме решени. Реформите мора да продолжат, како и поддршката на државата за своите граѓани, особено во ова тешко време. Граѓаните ќе добијат функционално Собрание, вели тој.