Заев: Најдовме решение со Села и Гаши за државјанствата, треба да се договорат со ВМРО-ДПМНЕ и Левица

Добивај вести на Viber

Премиерот Зоран Заев по средбата со лидерите на коалицијата Алијанса и Алтернатива - Зијадин Села и Африм Гаши, објави дека до крајот на неделата ќе се оформи нов законскиот текст за државјанствата, а следната недела ќе се изјасни Собранието, без да дава повеќе детали.

Со тоа, премиерот најави дека ќе следува повлекување на амандманите за законите за петиот пакет на економски мерки од страна на опозициската коалиција.

- Станува збор за опфат на 2.727 барања за државјанство за 3.200 граѓани, од кои преку 1.500 се граѓани кои не живеат овде, туку само дошле, рече Заев и дополни дека најмногу од барањата се преку склучување на брак.

Тој додаде дека ќе следува анализа која ќе се прави до петок и дека нема да биде прифатен ниту еден законски прелдог од тековните поднесители, туку ќе се креира сосема нов.

„Нивни е предлогот, јас ќе оставам на Села и Гаши самите да ги кажат деталите, така е принципиелно, а ние можеме да кажеме дека најдовме решение. Тоа е исчекор од нивна страна“, додаде Заев.

Тој рече дека актуелните измени за Законот за државјанства е блокиран од ВМРО-ДПМНЕ и Левица и дека преостанува Алијансата за Албанците и Алтернатива да се искоординираат меѓусебно со нив.