Заев: Компаниите во Радовиш се во лоша состојба
Објавено во: Економија 01 Јуни, 2018
Капацитетите во Радовиш како Јака Табак, АД Јака 80 и Гопдмак, се во лоша состојба, потврди денеска премиерот Зоран Заев одговорајќи на пратенички прашања.
Според него, сите влијателни компании во Радовиш се во лоша состојба. Во „Јака Табак“, како што рече, 60 отсто од вкупните побарувања ги имаше Стопанска банка АД Скопје, преку извршители се дадени насоки, а за останатиот дел се водат судски постапки. За непродадениот имот се планира негова распределба на доверители, согласно закон.
„Јака 80“ е во приватна сопственост и со решение од Основен суд Скопје 2 од 05.12.2014 година е поднесена постапка за реорганизација.
– На таа постапка за реорганизација е договорено 30 отсто од вкупните побарувања да се избришат и простат од доворителите, а остатокот со реорганизацијата да им се враќа на доверителите на три еднакви рати. Првата рата требало да се заврши до 31.12.2017 и не е исплатена, се доцни. Имаме фокус и на ова прашање и сакаме оваа компанија да биде надежна и да функционира, истакна премиерот.
Тој информира дека „Гоплдмак“ е приватна компанија, но не е активна долг период. Заев веќе одржал еден состанок со компании кои сакаат да ги искористат потенцијалните можности и лиценци кои „Голдмак“ ги поседува.