Заев кажа кој треба да го решава прашањето за Гоце Делчев
Објавено во: Македонија 28 Септември, 2020
Прашањето за Гоце Делчев треба да го решава Мешовитата комисија, ја охрабруваме преку мостови на пријателство и позитивна призма да најдат решение, изјави премиерот Зоран Заев во „Само интервју“ на Канал 5.
Вели дека тоа не е прашање на политика.
Сакаме ова прашање да го реши Комисијата, како што најде добри решенија за Свети Кирил и Методиј, Свети Наум, Климент Охридски и цар Самоил, да го реши и ова во духот на таа заедничка историја, заради заедничко славење. Верувам дека ќе го најдат решението и за Гоце Делчев, наше е да охрабриме“, посочи претседателот на Владата на Република Северна Македонија Зоран Заев во вечерашното интервју во рамки на емисијата „Само вистина“ и нагласи дека договорот меѓу Северна Македонија и Бугарија треба да обединува, да прави мостови на пријателство и ниедна страна да не се обидува да присвојува нешто.
Тој истакна дека е многу важен пријателскиот договор склучен со Бугарија и нагласи дека од неговиот бугарски колега, премиерот Бојко Борисов нема никаква закана ниту коментар кон Северна Македонија.
„Важно е дека во Договорот Бугарија зема обврска да не подржува во нашите европски и евроатлантски интеграции. И Бугарија, тоа го прави, не само фигуративно“, рече премиерот Заев.
Тој посочи дека во телефонскиот разговор со колегата Бојко Борисов станало збор за деталите за претстојниот самит на Берлинскиот процес во Софија, за совладувањето на здравствено-економската криза предизвикана од КОВИД-19 и унапредување на економската соработка.