Заев: Александар можел да се дружи со братучед ми, но законот важи за сите
Објавено во: Македонија 12 Април, 2021
Премиерот Зоран Заев рече дека уапсениот Александар Ушилковски, кај кого била пронајдена поголема количина на пари и оружје, по акцијата на МВР за заплена на канабис во вредност од 800.000 евра на Плетвар, не е вработен во фирмите на неговата фамилија, ниту дека му бил возач на братучедот и бизнисмен Трајче Заев.
„Мојот прв братучед имаше јавен коментар и јас разговара со него Лицето Александар не работи за фирмите на Заеви ниту комбето е наше, тоа е со грчки регистарски таблички. Александар можел да дружи со мојот братучед, но законоот важи за сите. Заврши таа табу-тема, дали го има на фотографии и дали со некого пие кафе, но ако прекршил закон, ќе ја сноси одговорноста“, рече Заев.
Премиерот за турнејата со мотоциклите по снименото видео во Пештани рече дека за викенди не работи.
„Викенд не работам уште кога ме избраа за премиер. Недела е ден за семејството, така се одморам, со возење на мотор. Недела секој човек заслужува да одмори. Сите мерки ги почитувавме, не се движевме за полициски час. Направив убава турнеја, јас не се кријам од тоа“, рече премиерот.