За прв пат во историјата Хрватска избира жена за претседател

Добивај вести на Viber

Колинда Грабар Китарович е новиот претседател на Хрватска и доаѓа на местото на актуелниот претседател Иво Јосипович кој е првиот челник на државата што не успеа да освои втор мандат. Со победата на својата кандидатка ХДЗ за прв пат по 15 години дава претседател од своите редови. Со помалку од 19 илјади гласови разлика, кандидатката на ХДЗ Колинда Грабар Китарович го победи претседателот во заминување Иво Јосипович и стана првата претседателка на Хрватска не до сега најнеизвесните претседателски избори од хрватската независност. Поради тесниот резултат во првиот круг, во кој Јосипович пред Колинда Грабар Китарович истурка тенка победа, актуелните претседателски избори беа оценети како најнезависни до сега. Тоа го потврди и вториот круг во кој продолжи тесната и неизвесна трка во која Грабар Китарович по почетното водство на Јосипович освои победата. На изборите во Хрватска се покажа дека секој добиен глас во кампањата може да биде пресуден. Грабар Китарович во вториот круг, според неофицијалните податоци добиени на полноќ, освоила 50,43 отсто од гласовите или 1.101.018 гласови, додека Јосипович останал на 49,57 отсто или 1.082.158 освоени гласови. Колинда Грабар Китарович уверливо води и во дијаспората, каде има 87 отсто од гласовите наспроти 13 отсто за Иво Јосипович.