За Богов 2017 е една од најслабите години, а за 2018 очекува да биде економски подобра
Објавено во: Економија 18 Декември, 2017
Гувернерот Димитар Богов вели дека 2017 е една од најслабите години од аспект на економскиот раст во последните пет години, а проекцијата на НБРМ за раст за годинава останува околу 0,5 проценти.
Народната банка на Република Македонија останува на својата проекција за раст на економијата годинава од 0,5 проценти.
„Третиот квартал потврди дека тука некаде ќе биде растот за 2017 година. Ќе бидеме доста близу до вистинскиот раст, но тоа ќе го дознаеме во март следната година кога ќе ги имаме податоците и за четвртиот кваратал од оваа година“- изјави гувернерот.
Тој очекува 2018 година да биде подобра на економски план.
Сепак, вели за да идната година биде подобра, треба да се исполнат неколку услови. Тоа значи да имаме постабилен политички амбиент, да имаме сигурност што значи да се подобрат инвестициите, да се зголеми личната потрошувачка, но и да продолжи оној тек на странски дирекни инвестиции што го имавме во претходниот период.