Вучиќ за барањето од Бајден: Се виде дека фразата „меѓусебно признавање“ е американска идеја
Објавено во: Балкан 07 Февруари, 2021
"Добив честитки за претседателот Бајден, ви благодарам за честитките. Што се однесува до меѓусебното признавање, тоа не е наведено во ниту еден акт на светските организации, ЕУ или во која било резолуција. Имаше обиди да се наметне тој термин како нешто што ние требаше да го прифатаме како конечно решение и веќе им кажав во лице што мислам за меѓусебното признавање “, рече денеска српскиот претседател Александар Вучиќ, одговарајќи на честитките на новиот претседател на САД, Џо Бајден.
Претседателот на Србија, Александар Вучиќ, денес изјави дека е многу мал за да може да им се спротивстави на сите во околината кои би сакале крај и исчезнување на Србија или на најголемата светска сила која бара меѓусебно признавање, но е премногу голем за да се дозволи понижување на сопствениот народ и уништување на сопствената држава.
Вучиќ истакна дека тие фразата за „меѓусебно рпизнавање“ наизглед прво е смислена во Косово, а сега е јасно дека тоа не е нивна, туку американска идеја, која Американците ја наметнаа од почетокот до моментот кога се обидоа да го сторат тоа со договорот од Вашингтон.
„Сега е јасно дека тоа е потполно американска идеја, дека тие не сакаа разговори за две Германии и други решенија, но јасно е дека тие сакаат целосно понижување на Србија, и јас кажав се што можам да кажам во лице во Белата куќа за таков вид понижување. Тие не очекуваа дека ќе го кажам тоа, но јас ќе го повторам тоа на секое место “, рече тој.