Добивај вести на Viber
Србија ќе направи сè за да ги заштити сопствените интереси, но не е најголем играч и не може да одлучува за најважните работи поврзани со гасоводот Јужен тек, вели Александар Вучиќ, за кого се очекува да ја предводи следната српска Влада.
Коментирајќи ги информациите дека
ЕУ има намера наскоро да донесе одлука за замрзнување на планот за изградба на клучниот гасовод, Вучиќ нагласи дека Јужен тек е важен не само за Русија, туку и за цела Европа и оти се надева дека ќе надвладее разумот дека мора да се соработува и „да се остават на страна страстите и тензиите“
„Србија ќе ги штити своите интереси, а Србија смета дека Јужен тек е во нејзин интерес, Меѓутоа ние секако не сме најголеми играчи и не можеме да одлучуваме за најголемите и најважните работи“, нагласи Вучиќ.
Тој потсети дека Јужен тек е важен и за Европа со оглед на тоа што „само бајки се верувањата дека во рок од година или две од американски шкрилци или на друг начин Европа ќе може да се снабдува со гас“.