Вучиќ го отфрла предлогот за размена на територии со Косово

Добивај вести на Viber

Српскиот премиер Александар Вучиќ не се сложува со предлогот за размена на територии меѓу Косово и Србија. 

Републиканскиот конгресмен Дејна Рорабахар предложи „размена на територии меѓу Србија и Косово” и изјави дека Србија треба да го земе северниот дел на Косово, додека територијата во јужна Србија, населена од етничките Албанци, треба да биде обединета со Косово.

За американскиот конгресмен Вучиќ изјави дека е близок до албанското лоби. 

„Мислам дека ова се обиди за изнаоѓање алтернативно решение и јас нема да коментирам тоа“ - објасни Вучиќ. 

Рорабахер, претседател на Комисијата за надворешна политика во Европа, упати писмо до претседателот на Србија, Томислав Николиќ. 

Тој во писмото предлага размена на територии во јужна Србија за северно Косово и Метохија, како решение за смирување на тензиите во овој дел на Балканот. 

„Наместо негативни примери, како што е испраќање воз со провокативни симболи на Косово, можеби е подобро и е во интерес на двете страни да се размисли за размена на територии, што би резултирало со поголем број Срби во Србија и поголем број Косовци на Косово“- напишал Рорабахер.

Тој во писмото до Николиќ порачал дека „оваа опција е можна“ и дека „не треба да се игнорира“.