Вучиќ: Веројатноста е голема дека ќе изгубам на следните избори!
Објавено во: Балкан 27 Декември, 2014
Премиерот на Србија, Александар Вучиќ во интервју за CNN изјавил дека најверојатно ќе ги изгуби следните избори, како тоа што им се случувало на сите кои прават големи реформи.
- „Не го земав овој мандат за да ги чекам следните избори и да ги победам своите политички противници. Знам што ќе се случи на следните избори, најверојатно ќе ги изгубам како и многу други кои се обиделе со реформи“ – рекол Вучиќ во интервјуто за CNN.
Вучиќ рекол дека неговата работа не е „да продава глупости и лаги“, туку да спроведува реформи за доброто на народот.
Фактот е дека цел свет, Европска Унија, Меѓународниот монетарен фонд, Светска банка, Европска банка за обнова и развој признаваат дека Србија спроведува многу реформи и при тоа зборуваат дека српскиот народ треба да биде горд на себе и на луѓето кои го водат – изјавил Вучиќ и додал дека е задоволен од она што постигнала Владата досега но и дека реформите мора да продолжат да се спроведуваат, особено во правосудството.
„Нема проблеми со политичката волја. Нема заштитени лица, заштитени тајкуни, заштитени политичари“, рекол Вучиќ и додал дека мора да се промени состојбата во правосудството каде некои процеси траат со години.