ВТОР ДЕН ОД БАЛКАНСКИОТ ДАВОС
Објавено во: Мои пари 06 Март, 2019
Вториот ден од работата на најголемиот економски форум Копаоник 2019 помина во знакот на суштинските анализи за економските политики кои се водат 10 години после големата економска и финансиска криза. Генерална оценка на најголем број од учесниците е дека ниту приватниот сектор, ниту јавните институции, ниту универзитетите се на нивото на одговорноста што е потребна за постигнување на повисоки стапки на раст и дека понатаму остануваат клучните диспаритети во економските политики, а тоа се: односот помеѓу капиталот и трудот, активното и издржувано население и континуитетот на правната регулатива.
Делегацијата на Стопанската комора на Македонија имаше активно учество вториот ден на Бизнис форумот. Покрај многубројните билатерални средби, претседателот на Стопанската комора на Македонија, Бранко Азески, организираше свечена вечера за партнерите на Комората кои беа присутни на Бизнис форумот: Александар Влаховиќ, претседател на Организациониот одбор на Копаоник бизнис форумот, кој воедно е и претседател на Сојузот на економисти на Србија, претставници од европски финансиски институции - Негре Дубравка, раководител на регионалната канцеларија за Западен Балкан на Европската инвестициона банка и Зоран Мартиновски, менаџер на Меѓународната финансиска корпорација IFC за Македонија и Црна Гора, управата на НЛБ Банка на чело со Блаж Бродњак, претседател на Бордот на директори на НЛБ Банка, поранешниот премиер на Босна и Херцеговина, Драган Микеревиќ, Игор Радојчиќ, градоначалник на Бања Лука, истакнати стопанственици од нашата земја, претставници на медиумите и други гости.
На вечерата претседателот Азески ги презентираше можностите за инвестирање во нашата земја и зборуваше за регионалните проекти во кои можеме заеднички да учествуваме. Претседателот на Организациониот одбор на Копаоник бизнис форумот, Александар Влаховиќ, се заблагодари на организираното учество на македонската стопанска делегација и констатира дека со тоа се отвора простор за ширење на Форумот надвор од границите на Србија.
Господинот Светозар Јаневски, на вториот ден од Форумот учествуваше на еден од најпосетените панели, заедно со истакнати бизнисмени од регионот, на којшто дебатираа на темата: „Како да се води бизнис на Балканот - предности, слабости и препораки“.
Можеби ќе ве интересира
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
TTK Банка АД Скопје по втор пат ја зголеми основната главнина преку скрип емисија на нови акции по пат на приватна понуда
ВТОР ДЕН ОД САМИТОТ НА МАКЕДОНИЈА2025: Дигитализацијата и елиминирање на корупцијата - предуслови за забрзан економски раст
Македонски Телеком со најголеми просечни брзини и најдобри резултати за вкупните перформанси на мрежата
