06 Јуни, 2020
0.0598

ВОЗЕЊЕ НАД 70 ГОДИНИ - Еве што треба да знаат повозрасните граѓани

Објавено во: Македонија 07 Ноември, 2019

Ако имате 75 години и сакате да извадите возачка дозвола, таа ќе може да биде издадена со важност од максимум пет години.

Или, граѓаните автомобил ќе можат да возат само додека не наполнат 80 години. После тоа, овие лица ќе мораат да користат автобус, такси, или, пак, едноставно да пешачат. Над 80 годишна возраст издавањето возачка во никој случај нема да биде дозволено, дури ни доколку некои од граѓаните и тогаш се чувствуваат витално.

Со измените на Законот за безбедност во сообраќајот на патиштата, кои сега се во собраниска процедура и ќе стапат на сила откако ќе ги изгласа Собранието, се продолжува старосната граница за вадење возачка дозвола, од 70 - на 75 години.

Но, што конкретно носат новините за повозрасните граѓани?

Според сегашниот закон, возачка дозвола се издава на возачи до 70 години, а после таа возраст само со лекарското уверение. Односно, граѓанинот мора на секои три години да ја продолжува дозволата, откако претходно тоа ќе му се дозволи по прегледот на неговата здравствена и психофизичка состојба. Значи, се зависи од тоа што ќе констатираат лекарите во уверението што го издаваат.

Со законските измени, пак, кога ќе бидат изгласани, ќе настапи следнава ситуација. Возачките дозволи во принцип ќе се издаваат со важност од 10 години.

Но, доколку граѓанинот има над 70 години, возачката дозвола ќе му се издаде на период соодветен на оној додека не наполни 75. Значи, ако во моментот кога ќе треба да ја вади дозволата има 72 години, таа ќе му се издаде со рок на важност од три години.

Кога лицето, пак, има наполнето 75 години и сака да дојде до возачка, таа исто така му се издава со рок од максимум пет години. Бидејќи во секој случај претходно мора да извади лекарско уверение, доколку лекарот во него констатирал дека граѓанинот ќе биде психофизички способен да вози и во следните пет години, возачката се издава на пет години. 

„Во спротивно, пак, ако лекарот смета дека тоа е предолг период и треба порано да се направи контрола, ќе препорача возачката да биде издадена на пократок рок, на пример, една, две или три години“, објаснуваат од Министерството за внатрешни работи.

Кога возачот ќе дојде за ново продолжување на дозволата наредниот пат, исто така се прават проверки, и зависно од наодот, возачката се издава на рок за кој лекарот смета дека е соодветен. Но, возачка нема после 80 години.

Инаку, измените на Законот за безбедност во сообраќајот се на предлог на Министерството за внатрешни работи, а само делот за продолжување на старосната граница до 75 години е на иницијатива на група пратеници. Законските измени се усвоени на владина седница и се испратени до Собранието, а вчера им биле доставени и на народните избраници.

Измените на Законот ќе одат во редовна постапка, што значи дека прво ќе треба да ги разгледува матичната собраниска комисија, па други надлежни комисии, а дури потоа ќе се најдат на усвојување на пленарна седница.

А со овие законски измени се предвидени и други новини. Па така, со него времено ќе бидат одземени возила кои предизвикуваат голема бучава и го нарушуваат јавниот ред и мир. Предвидени се и значителни намалувања на казните и тие ќе изнесуваат од 15 до 250 евра како највисока граница, освен за животозагрижувачки прекршоци, кои остануваат исти. 

Се уредува и учеството на електричните тротинети во сообраќајот со цел да бидат заштитени оние кои управуваат со нив, но и граѓаните, и тоа преку определување на  место на движење на тротинетите, возрасната граница за управување со нив, како и обврската за користењето на заштитни средства.

( Н.Н.Ф.)

Можеби ќе ве интересира

Кој е помоќен – верските заедници или државата, гледаме низ пикот на заразата

Кој е помоќен – верските заедници или државата, гледаме низ пикот на заразата

ФАКТОР НА ДЕНОТ: За 24 часа 180 инфицирани со Ковид - 19, двајца починаа

ФАКТОР НА ДЕНОТ: За 24 часа 180 инфицирани со Ковид - 19, двајца починаа

НИКОЛОВСКИ ПОВИКА НА ОДГОВОРНО ОДНЕСУВАЊЕ: Oва е тест токму за нашиот систем

НИКОЛОВСКИ ПОВИКА НА ОДГОВОРНО ОДНЕСУВАЊЕ: Oва е тест токму за нашиот систем

ФИЛИПЧЕ ЗА НОВОЗАБОЛЕНИТЕ: Имало еден период кога не биле свесни и кога циркулирале низ градот

ФИЛИПЧЕ ЗА НОВОЗАБОЛЕНИТЕ: Имало еден период кога не биле свесни и кога циркулирале низ градот

Филипче: Околу 15 семејства носат 90 отсто од новите случаи

Филипче: Околу 15 семејства носат 90 отсто од новите случаи

МИНИСТЕРСТВО ЗА ЗДРАВСТВО: 180 нови заболени и 2 починати од Ковид - 19

МИНИСТЕРСТВО ЗА ЗДРАВСТВО: 180 нови заболени и 2 починати од Ковид - 19

Адхурим Фазлиу: Верувале или не 5 амбулантни возила за помалку од 15 минути носевме 5 СOVID-19 позитивни или суспектни

Адхурим Фазлиу: Верувале или не 5 амбулантни возила за помалку од 15 минути носевме 5 СOVID-19 позитивни или суспектни

ВО ЖИВО: Венко Филипче ќе одржи прес - конференција

ВО ЖИВО: Венко Филипче ќе одржи прес - конференција

Нови 177 позитивни на коронавирусот во Македонија

Нови 177 позитивни на коронавирусот во Македонија