Водечка прехрамбена компанија ќе го зголемува наталитетот во грчките села
Објавено во: Економија 17 Ноември, 2018
Водечка грчка прехранбена компанија „Јотис“ и непрофитната организација HOPEgenesis во четвртокот објавија програма со цел зголемување на наталитетот во оддалечените делови на Грција.
Преку програмата наречена "Надежта е родена", Јотис ќе "згрижи" 86 села во регионалните единици Евританија, Фокида и Евија во Централна Грција и Арта во Епир, во смисла дека ќе ги покрие сите трошоци на локалните бремени жени , нивните тестови и породувања, како и болничките трошоци (вклучувајќи и превоз).
Јотис, исто така, ќе ги покрие потребите за храна на децата родени во тие 86 села за првите две години. Програмата во целост ќе трае четири години, а трошоците по мајка се проценуваат на околу 4.000 до 5.000 евра.
Единствениот критериум за вклучување во програмата е тоа што мајките треба да бидат постојани жители на овие села.
"Нашите мотиви се нашата вера во Грција и нашата посветеност на поддршката на нашата татковина", рече комерцијалниот директор на „Јотис“, Мариос Папатанасиу.
Осврнувајќи се на демографската криза во Грција, основачот на HOPEgenesis, д-р Стефанос Хандакас, истакна дека со сегашната ниска стапка на наталитет, 30 проценти од населението во Грција ќе биде над 55 годишна возраст во 2035 година, при што бруто домашниот производ ќе биде намален за 5,54 проценти поради проектираното намалување на населението.