Во Велика Британија повеќе од милион работници од Источна Европа
Објавено во: Економија, Свет 18 Август, 2016
Бројот на работници во Велика Британија од осум земји на источна Европа кои и се придружија на Европската унија во 2014 прв пат е поголем од милион.
Во период од април до јуни, бројот на работници од Чешка, Естонија, Унгарија, Летонија, Литванија, Полска, Словачка и Словенија е зголемен за 44 000 во однос на истиот период во 2015 година.
Денес ги има скоро четири пати повеќе отколку пред 10 години, кога биле нешто повеќе од 250 000.
Во Британија работат и околу 266 000 Бугари и Романци, што е за околу 87 000 повеќе отколку во второто тромесечие минатата година. Граѓаните на тие две земји можат без ограничување да работат во ЕУ од јануари 2014.
Канцеларијата за статистика соопштила дека во Британија сега работат вкупно 2,23 милиони работници од земјите на ЕУ, што е за 238 000 повеќе отколку пред година дена.
Бројот на работници од други држави надвор од ЕУ останал речиси непроменет, на околу 1,21 милион.