Во септември забележан пад на трошоците за живот
Објавено во: Економија 07 Октомври, 2015
Во септември оваа година трошоците за живот мерени преку цените на стоките и услугите за лична потрошувачка, во споредба со ланскиот септември бележат пад за 0,2% покажуваат податоците на Државниот завод за статистика.
Трошоците на живот, како што покажуваат податоците, бележат пад од 0,2% отсто во однос на истиот период лани.
Анализирано по главни групи, според намената на потрошувачката, во септември оваа година, во однос на претходниот месец , намалување на индексите е забележано во групите: прехранбени производи за 1.5%, замрзнатиот зеленчук за 0.7%, конзервираната риба за 0.5%, свежото млеко за 0.3% и тестенините за 0.2%.
Намалување е забележано и кај кај авионскиот превоз на патници за 14.7%, услугите за сместување за 14.4%, течните горива за домаќинствата за 7.1%, течните горива и мазива за 6.9%, туристичките-пакет аранжмани за 6.3%, лековите за 2.0%, средствата за чистење и одржување на станот за 1.2%, резервните делови и опрема за сопствен превоз за 0.8%, накитот и часовниците за 0.6% и велосипедите за 0.2%.
Пораст на индексите на трошоците на животот е забележан во групите: кај свежиот зеленчук за 2.6%, маслото и маснотиите за 1.6%, сувото овошје и шеќерот, џемот, медот, чоколадата и кондиторските производи за 0.8%, свежото овошје за 0.5%, јајцата и конзервираниот зеленчук за 0.3% и месото за 0.2%.
Исто така, пораст на индексот на трошоците на животот во септември 2015 година, во споредба со претходниот месец, е забележан кај болничките услуги за 3.2%, информатичката опрема за 2.4%, гасот за домаќинствата и електричните апарати-мали за 1.7%, услугите за одржување и поправки на станот за 0.7%, алатите за опрема а куќа и градина, услугите за култура и средствата за лична хигиена за 0.6%, цврстите горива, средствата за пишување и услугите за лична хигиена за 0.5%, текстилот за домаќинствата и исхраната во рестораните за 0.4%, обувките и материјалите за одржување и поправки на станот за 0.3%, облеката, електричните апарати- големи и пијалакот во рестораните за 0.2%.