Во кои земји куќите и становите се најскапи?

Добивај вести на Viber

Станбените пазари во Европа продолжуваат да се зголемуваат во текот на вториот квартал на годината, покажуваат податоците на онлајн изданието Global Property Guide.

Шест од десетте  пазари со најсилен раст на цените за периодот април-јуни се наоѓаат во Европа, покажуваат податоците.

Лидер со најголемо зголемување на цените повторно е Шангај во Кина со 20,4% на годишна основа и 6,7% во однос на претходниот квартал. Градот ја замени Турција, која ја предводеше листата во последните неколку квартали. Сега таа паѓа на  петтата позиција поради доцнењето на инвестициите во секторот во последните месеци и падот на лирата. 

Второто место останува за Нов Зеланд со годишно зголемување на цените на куќите од 10,4% и 0,6% за кварталот, а на третото место е Романија со раст од  10,1%  годишно и 0,8% квартално. 

Топ 10 се дополнува со Германија, Турција, Канада, Малта, Исланд, Ирска и Јапонија.

Русија останува глобален лидер по пад на цените на недвижностите со 12,5% на годишна основа и 2,3% во однос на претходниот квартал. На второ место е Египет со годишен пад од 11,2% и 15,4% за кварталот, а на трето - Хонгконг со соодветно 10,7% и 2,7%.

Во топ 10 по пад на цените на недвижностите паѓаат уште Монголија, Црна Гора, Бразил, Дубаи, Тајван, Украина и Сингапур.