Во Дубаи туристките да не пријават силување, им следи затвор и мачење
Објавено во: Свет 18 Ноември, 2016
Девојка од Велика Британија која била групно силувана од двајца сонародници наместо да добие правда во Дубаи се соочила со обвинение за секс надвор од бракот што во Обединетите Арапски Емирати е забрането.
Токму затоа здруженија за заштита на жените од Велика Британија апелираат до туристките во Дубаи да не пријавуваат силување во полиција бидејќи може да се соочат со тешки казни како што се камшикување или каменување, а неизбежно е и лежење во затвор од неколку месеци.
Во Дубаи полицијата често добива пријави за силување кои се лажни бидејќи градот стана главна атракција за забави со атрактивните ноќни клубови, па често девојките сакаат да им се одмаздат на момчињата, а со лажни пријави се користат и проститутките.
Токму затоа полицијата е полна со стереотипи, особено со расистички предрасуди кон странкињите за кои сметаат дека се опијаниле, па следниот ден се каат за сексот со некој маж иако често се случува навистина да бидат жртви на насилство и силување.
Ваквите случаи ретко се истражуваат, напаѓачите бегаат од државата и им се губи трага, па целата вина паѓа на товар на жената која ќе поднесе пријава.