Во Аеродром секое прваче ќе добие 3.500 денари „на рака“
Објавено во: Економија 31 Мај, 2018
Секое прваче од општина Аеродром ќе добие по 3.500 денари штом во септември ќе тргне на училиште, објави „Плусинфо“. Причината за ваквиот потег е да им се помогне на родителите, бидејќи подготовките за првиот училишен ден на првачињата реално претставуваат трошок за семејниот буџет.
Одлуката како што потврдија од Општина Аеродором за Плусинфо, се очекува да се најде на дневен ред на седница на Советот на 11 јуни. Откако советниците ќе ја изгласаат, на општинската веб страница ќе биде објавено известување за родителите кои од први септември ќе испраќаат прваче во училиштата во Аердром да достават податоци за да може да им бидат префрлени парите.
Надоместокот од општината Аеродром што како предизборно верување го даде градоначаникот Златко Марин ќе се оствари токму на почетокот на новата учебна година кога семејниот буџет на секое македонско семејство се преполовува за училишен прибор, книги, ранци….