Добивај вести на Viber
Под прагот на сиромаштијата биле 3,9 милиони Грци минатата година во споредба со 3,1 милион во 2011 година, покажуваат податоците на Грчката конфедерација на трудот ГСЕЕ, објави весникот „Етнос“.
Даночниот систем на Грција е најнеправедниот механизам кој функционира во државата и е изработен на начин на кој ги осиромашува работници, а ги збогатува луѓето со високи примања, оценува синдикалната организација.
Според податоците на ГССЕ од директни даноци од работниците и пензионерите во Грција се внесени 6,5 милијарди евра во 2009 година, 6,9 милијарди евра во 2010 година, 7,1 милијарда евро во 2011 година, додека даноците внесени од фирмите изнесуваат 4,7 милијарди во 2009, 4,1 милијарда во 2010 и 3,6 милијарди во 2011 година.
ГССЕ бара повлекување на нацрт-законот за даноци и предлага да бидат обезбедени дополнителни средства за социјалните фондови, како и поефикасна борба против даночните должници, стапката на ДДВ-то да биде намалена за потрошувачката кошница и да има прогресивно даночно олеснување за сите извори на приходи.