Внукот на екс поглаварот на ИВЗ заработи кривична пријава за пукањето кај Матка

Добивај вести на Viber

За пукањето кај Матка што се случи на 9 мај седум лица заработија кривични пријави, меѓу кои и внукот на сега екс поглаварот на Исламската верска заедница, Сулејман Реџепи.

Одделението за насилен криминал во Единицата за насилен криминал при Секторот за внатрешни работи Скопје поднесе кривичнa пријавa, до надлежното Основно јавно обвинителство-Скопје, против М.С.(40), Ќ.С.(23), М.С.(47), И.С.(25), Р.И.(24), Б.Е.(32) и В.К.(24), сите од Скопје, поради постоење основи на сомнение дека сториле кривично дело „насилство“, казниво по член 386 од Кривичниот законик.

Како што е познато, лицето М.С. е всушност М. Сулејмани, за кое дел од медиумите јавувија дека е внук на разрешениот поглавар на ИВЗ, Сулејман Реџепи.

Инцидентот се случи попладнето на 9 мај, кај кањонот Матка, при што имало и пукање, а бил поради расправија за движењето на чамците за туристи кон пештарата. Во настанот беа вклучени две групи на сопственици на вакви чамци.

„На 09.05.2020 околу 15.10 часот пријавените пристигнале на платформата за чамци во кањон Матка во сопственост на А.С.(40), С.С.(41) и С.С.(31), сите од Скопје. Веднаш потоа, првопријавениот физички го нападнал А.С., додека четвртопријавениот со нож му се заканувал. Потоа, второпријавениот физички го нападнал С.С.(31). Во тој момент се вмешал полициски службеник, кој се обидел да ги раздели и да ја смири ситуацијата, но првопријавениот од пиштол за светлосно – звучна сигнализација испукал еден проектил кон оштетениот А.С.“, се вели во соопштението од МВР.