Внимавајте на овие работи кога купувате или продавате имот…
Објавено во: Финансии 05 Мај, 2016
Според експертите повеќето луѓе ја одредуваат цената на својот имот емоционално, врз основа на спомени.
Во повеќето случаи продавачите бараат колку што им требаат пари, а не колку што е реалната цена.
Еден од најважните чекори при продажба на еден стан, е правилното утврдување на цената.
Ако цената е под пазарната, тогаш имотот ќе се продаде релативно брзо, но со голема разлика, која наместо да е во вашиот џеб, ќе биде во оној на купувачот. Кога случајот е спротивен односно цената е повисока, тогаш правите услуга на вашата конкуренција.
Кога цената е „надуена“, тогаш имотот се задржува подолго време на интернет.
Ако едно живеалиште е долго на пазарот, потенцијалните купувачи ќе почнат да го избегнуваат.
Ако станот е понуден со реална цена, не би требало да се задржи повеќе од месец-два на пазарот, сметаат експертите.