ВМРО-ДПМНЕ ЗА ЈАНКУЛОСКА: Забавата на Заев со човечки судбини нанесува зло и штета на државата
Објавено во: Македонија 28 Септември, 2020
Екс министерката за внатрешни работи, Гордана Јанкулоска беше спроведена во затворот Идризово, по што со реакција се јавија од ВМРО-ДПМНЕ.
Велат дека таа е жртва на неправдите и политичкиот прогон на мафијата на Заев.
„Јанкулоска оди во затвор за автомобил кој го вози и користи Зоран Заев и неговата мафија и во исто време кога истата таа власт троши над 8 милиони евра за купување на нови службени возила“, велат од партијата.
Додаваат дека нема ниту збор за тоа каде завршувале парите од рекетот.
„Имаме целосен молк за поткупот на екс директорот на ФЗО Ден Дончев, обвинителството молчи за панамските пари и зделките со Заев за 2000 стана во Тетово, се молчи за измамата на штедачи на Еуростандард банка и редица други скандали кои се случуваат на дневно ниво. Забавата на Заев со човечки судбини нанесува зло и штета на државата. Денес треба да се збори за Јанкуловска во состојба кога имаме 40 илјади невработени на улица или кога имаме колапс на образовниот систем. Заев има потреба да се плаши единствено од правдата која ќе го стигне по падот на мафијата на власт“, се наведува во соопштението на ВМРО-ДПМНЕ.
Јанкулоска, во октомври 2018 е осудена на шест години затвор од страна на судот во случајот „Тенк“ за набавката на блиндираниот Мерцедес.