21 Април, 2018
0.0663

ВМРО-ДПМНЕ: Судиите кои го продолжија притворот на патриотите се срам за правосудството

Објавено во: Македонија 14 Јануари, 2018

ВМРО-ДПМНЕ продолжува со поддршката за притворените кои се осомничени од ЈОРМ за настаните во Собранието на 27 април и овој пат жестоко реагира кон судиите кои донесоа одлука да остане притворот без да земе повеќе аргументи во предвид.

„Партиските инсталации во судството го рушат функционирањето на правдата и правната држава. Очигледно е дека судиите станаа партиски послушници и војници. Јасно е дека во овој момент Република Македонија е во тотален мрак, а од правната држава нема ни П.

Судовите го погазија принципот на непристрасност и директно ги поткопаа темелите на македонската правна држава. Доколку судиите имаа интегритет, совест и свест ќе ги ослободеа сите неправедно притворени лица од 27-ми април, но очигледно е дека за нив е најважен политичкиот интерес.

Вистинските виновници кои го прекршија Уставот и законите, во моментов ги водат институциите на Република Македонија. Уметниците, пратениците, полициски службеници не се терористи.

Дурловски, Јовановски, Дамовски, Илиевски, Божиновска, Чавков и останатите приведени се жртва на политички прогон само заради нивната храброст гласно да го искажат своето несогласување со антидржавните политики на власта на Заев.

Судиите кои донесоа одлука за продолжување на притворот на искрените и чесни патриоти, уставобранители, се срам за судството и владеењето на правото.

Одлуката на Апелациониот суд е скандалозна и не се темели на факти и докази.

ВМРО-ДПМНЕ бара веднаш овој политички монтиран случај да биде повлечен, а притворот за уставобранителите мора веднаш да прекине.

Судот стана алатка за политичка инквизиција која и се случува на Република Македонија. Судот е директен учесник во раздорот и продлабочувањето на кризата кои произлегуваат од катастрофалните политики на владата на СДСМ.

Наместо да се придвижуваме кон Евроатланскиот пат, СДСМ со водење на ваква срамна и самоуништувачка политика, со монтирање и фабрикување на монтирани судски кривични постапки ја оддалечува Република Македонија и нејзините граѓани од европските стандарди“, се вели во соопштението на ВМРО ДПМНЕ.

Можеби ќе ве интересира

Познато кој ќе го организира одбележувањето на 1.000 години од Охридската архиепископија

Познато кој ќе го организира одбележувањето на 1.000 години од Охридската архиепископија

(ФОТО) Сообраќајка пред Собрание

(ФОТО) Сообраќајка пред Собрание

Приведена девојката која пушеше џоинт во Скопје?

Приведена девојката која пушеше џоинт во Скопје?

Што ќе донесе новата средба Димитров - Коѕијас во Виена?

Што ќе донесе новата средба Димитров - Коѕијас во Виена?

Груевски; Судењето повторно продолжува надвор од работното време

Груевски; Судењето повторно продолжува надвор од работното време

Ја тепал невенчаната сопруга, по што и го грабнал детето

Ја тепал невенчаната сопруга, по што и го грабнал детето

Шекеринска: Важно е преговарачкиот процес со Грција да успее

Шекеринска: Важно е преговарачкиот процес со Грција да успее

(ВИДЕО) Змија снимена во студентскиот дом „Стив Наумов“

(ВИДЕО) Змија снимена во студентскиот дом „Стив Наумов“

Му го украле мерцедесот додека бил во аптека

Му го украле мерцедесот додека бил во аптека