ВМРО-ДПМНЕ против 58-часовниот карантин
Објавено во: Македонија 21 Мај, 2020
Од ВМРО-ДПМНЕ велат дека не се согласуваат со предлогот за 58-часовен карантин во текот на продолжениот викенд кој ќе ги опфати празниците Рамазан Бајрам и Св.Кирил и Методиј.
"Нелогично е да се објави дека рестораните ќе бидат отворени од вторник, додека ќе биде задолжително да останете дома во текот на продолжениот викенд. Со други зборови, недела и понеделник се опасни според владата на СДСМ, додека вторникот не е", велат од ВМРО.
Од најголемата опозициска партија ценат дека и за празникот Велигден рестрикциите на движењето биле многу строги и дека сега повторно го споделуваат истото мислење за следните два празници.